Gure balioak

Atzegi Babes Fundazioaren balioek orientazioa ematen digute gure lana betetzeko. Balio horiek modu egokian eta arduratsu jokatzen laguntzen digute. Atzegi Babes Fundazioaren balio nagusiak hauek dira:

Tutoretzapeko pertsona da garrantzitsuena.

Babes Fundazioa zure premiak eta ametsak zein diren ezagutzen ahalegintzen da; eta horiek lortzeko sostengua ematen dizu.

Tutorea familiako norbait izatea da onena.

Sostengu emateko familiako kideren bat izan ezean, orduan Atzegi Babes Fundazioak lagunduko dizu.

Taldean lan egitea garrantzitsua da.

Atzegi Babes Fundazioak beste erakunde batzuekin elkarlanean jarduten du.

Adibidez, etxebizitza edo lana topatzeko.