Zer da Babes Fundazioa?

Zer da Atzegi Babes Fundazioa?

Babes Fundazioa antolakunde bat da, adimen-urritasuna dugun pertsonei familiarik ez dugunean bizitzan laguntzen diguna.

Babes Fundazioak ez du dirurik irabazten.
Horregatik diogu “irabazi asmorik gabeko” antolakundea dela.

Nori lagun diezaioke?

Babes Fundazioak zuri lagun diezazuke, baldintza hauek guztiak betetzen badituzu:

  • Adimen-urritasuna edo garapen-urritasuna baldin baduzu.
  • Lagun diezazukeen senitartekorik ez baduzu.
  • 18 urte baino gehiago baduzu.
  • Gipuzkoan bizi bazara.
  • Jarduteko gaitasuna aldatuta baduzu.

Jarduteko gaitasuna aldatuta duten pertsonek gurasoen edo tutorearen aholkua eta sinadura behar izaten dute beren bizitzan garrantzizko erabakiak hartzeko.

Nola laguntzen die urritasuna duten pertsonei?

Babes Fundazioak gure bizitzaren alderdi guztietan laguntzen digu:

  • Orientazioa ematen dizu, bizitza zuk nahi duzun bidetik joan dadin.
  • Zure ongizateaz eta osasunaz arduratzen da.
  • Etxebizitza egokia bilatzen laguntzen dizu.
  • Lana bilatzen laguntzen dizu.
  • Gizartean parte hartzeko sostengua ematen dizu.
  • Zure eskubideak errespeta daitezen arduratzen da.
  • Zure eginbeharrak betetzen laguntzen dizu.
  • Zure ondasunak administratzen laguntzen dizu.
  • Pertsona autonomoagoa izateko laguntza ematen dizu.
  • Erabakiak hartzen laguntzen dizu.
Nola laguntzen die familiei?

Seme/alaba bakarra duten familiek Etorkizunerako Konpromisoa izeneko dokumentua sina dezakete.

Hartara, hildakoan, Atzegi Babes Fundazioak babestu ahal izango du haien semea/alaba.

Behin betiko erabakia epaile batek hartuko du.